Thursday, January 13, 2011

KABATAAN NOON AT NGAYON!!!

        Sa paglipas ng panahon marami nang pagbabago ang nangyayari sa ating kapaligiran lalong-lalo na aming mga kabataan? Pero kahit sang henerasyon man tayo galing hindi magbabago ang kasabihang "ANG KABATAAN ANG PAG-ASA NG BAYAN!"..

   Sabi nang matatanda at sa kwento nang akin mga magulang ang kabataan noon ay magalang sa mga nakakatanda sa kanila, nagmamano o kaya humahalik sa pisngi bilang tanda ng pag-galang, gumagamit din sila ng "PO at OPO sa bawat salitang binibigkas nila. Masunurin sila at may kusa sa gawaing bahay, maaasahan din sila sa gawaing bukid tulad ng pagtatanim ng palay,gulay at atb. mapalalaki man o babae. Pagdating naman sa pananamit ay halos mukha nalang nila ang pwede mong makita. Ang kabataan din noon ay makadiyos at halos walang bisyo.

     Samantalang kaming kabataan ngayon ay mulat sa makabagong panahon. Masakit man aminin pero isa ako sa mga kabataan na iyon. Aminin man natin o hindi totoong napalaki ng pinagbago nang henerasyon ngaun kaysa noon.  
      Tayong kabataan ngayon bihira lang ang magagalang, mas marami sa atin ang kung sumagot sa matatanda at sa ating magulang ay pabalang o kaya naman ay parang kasing edad lang natin sila at higit sa lahat ay parang kabarkada lang natin sila. Pagmagsalita tayong mga kabataan ngayon ay parang hindi natin kilala ang mga letrang "PO AT OPO", at bihira na rin sa atin ang nagmamano sa ating mga magulang. Hindi rin tayo maaasahan sa gawaing bahay dahil kapag tayo inuutusan ang lagi nating sinasagot ay "MAMAYA NA! o kaya naman ay "SAGLIT LANG!. Lahat tayo ay nakaasa sa ating mga magulang, kahit nga siguro maghugas nga plato ay inaasa pa natin sa kanila, nagdadabog pa tayo pag hindi maibigay ang gusto natin. Pagdating naman sa pag-ibig masyado na tayong mapupusok, hindi pa nga umaabot ng isang buwan/linggo ang ligawan magnobyo na agad, sa mga kababaihan naman hindi pa nga ikinakasal naisuko na ang perlas nang silangan. At kung manamit ay halos makita na ang kaluluwa at higit sa lahat nagsisimba lang tayo kapag tayo makikipagkita sa ating mga nobyo at nobya kaya nga nauso ang kasabihang "simbang tabi" imbes na simbang gabi ".Halos nang bisyo ating inaakap imbes na iwasan tulad nang "alak", "sigarilyo" at higit sa lahat "droga".
    Sa lahat nang ito nakakalungkot na isipin kung bakit sa kabila nang patuloy na pagbabago sa ating bansa ay ang pagbabago nating mga kabataan. Hindi ko po ninananais/sinasadyang sirain ang reputasyon nating mga  kabataan ang aking lang po ay isang opinyon na naghahanap din nang mga kasagutan kung bakit tayo nagkaganito. Sino ba ang dapat nating sisihin ang teknolohiya na tumutuong upang mapadali ang mga bagay bagay, ang ating mga magulangna walang hinangad kundi ang mapabuti tayo o tayo mismo sa sarili na siyang nagdedesisyon?

       Nais ko lang pong ibahagi sa inyo ang kasabihang ito "LAHAT NANG BAGAY SA MUNDO'Y MAY KATAPUSAN NGUNIT ANG SALITANG "PAGBABAGO" AY HINDI MAGBABAGO SA MUNDONG IBABAW". Isa po sa mga kasabihang hindi ko malilimutan kaya sana magbago na ang pananaw nating mga kabataan, sana ang pagmamahal at paggalang sa ating mga magulang at sa matatanda ay mas mangibabaw. Sana matuto tayong irespeto ang ating mga sarili. Sana mas lumalim pa ang ating pananalig sa diyos.
    
Maraming salamat sa inyong pag-unawa!!!!god bless us!!!

Source(s):

No comments:

Post a Comment